பொருளடக்கம்

1. உலகளாவிய செல்நெறியும் கற்றலும்
2. ஆசிரியர்களைத் தொழிற்ற்றகைப்படுத்தல் 
3. விளைதிறனுள்ள கற்பித்தலின் கூறுகள்
4. ஆசிரியர்களை மதிப்பிடுதல்
5. ஆசிரியர் கல்வியும் பயிற்சியும் - பாடசாலைகளில் அவற்றின் பயன்பாடுகளும்
6. மாணவர் பற்றிய மதிப்பீடுகள்
7. மாணவர் கற்றல் - ஆசிரியர்களுக்கான வினைத்திறன்கள்
8. கல்விச் செயற்பாடுகளில் அதிகரித்துவரும் பெற்றோரின் வகிபங்கு
9. பிள்ளையின் ஆளுமையில் செல்வாக்குச் செலுத்தும் குடும்பக் காரணிகள் 
10. நடத்தைப் பிரச்சினைகளைத் தடுப்பதற்கான சில வழிமுறைகள்
11. வகுப்பறை முகாமைத்துவமும் ஒழுக்காற்றுப் பிரச்சினைகளும்

வகுப்பறைக் கற்பித்தல் சிறப்புற அமைவதற்குப் பல்வேறு காரணிகள் துணைபுரிகின்றன. ஆசிரியர் கல்வியும் தொழில்சார் கல்வியில் வழங்கப்படும் அணுகுமுறைகளும், நுட்பங்களும் மட்டும் கற்றல் - கற்பித்தலின் மேம்பாட்டுக்கு உதவுவதில்லை. இவற்றோடு, கல்விச்சூழல், பாடசாலைகளில் அதிபரின் தலைமைத்துவம், பெற்றோரின் ஒத்துழைப்பு வகுப்பறைக் கட்டுப்பாடுகளை மேற்கொள்ளுதல், ஆசிரியர் தொழில்சார் பயிற்சியின் கூறுகளை இற்றைப்படுத்துதல் என்பனவும் அத்தியாவசியமானவை. கற்றல் - கற்பித்தல் : மேம்பாட்டுக்கான வழிமுறை என்ற இந்நூல் இத்தகைய விடயம் பற்றிய கருத்துக்களையே முன்வைத்துள்ளது. இந்நூலில் இடம்பெறுகின்ற கட்டுரைகள் கல்வித்துறை மேம்பாடு பற்றிச் சிந்திப்போர், அத்துறையில் பணிபுரியும் சகல தரப்பினருக்கும் பயனுள்ளதாக இருக்குமென நம்புகின்றேன். 
முன்னைய காலம் போலன்றித் தற்போது இலங்கையில் ஆசிரியர்கள் அனைவரும் தொழில்முறைப் பயிற்சியுடையவர்களாக இருத்தல் வேண்டும் என்னும் கொள்கை பெரிதும் வலியுறுத்தப்படுகின்றது. ஆயினும், நடைமுறையில் 30 ஆயிரம் பேர்வரை பயிற்சியற்றவர்களாகப் பணிபுரிகின்றார்கள். இந்நிலையில் பயிற்சி பெற்ற ஆசிரியரும் பயிற்சி பெறாத ஆசிரியரும் தமது கல்வியறிவை மேம்படுத்துவதற்கான மற்றொரு வழி கல்வியியல் நூல்களையும் சஞ்சிகைகளை ஊன்றிக் கற்பதாகும். இச்செயற்பாட்டுக்கு எமது நூலும் பங்களிப்புச் செய்யும் என நம்புகிறோம். 
இத்தருணத்தில் இத்தகையதொரு நூலை வெளியிட வேண்டும் என ஆலோசனைகளையும் ஊக்குவிப்புகளையும் வழங்கிய கல்விப்பீடத் தலைவர் பேராசிரியர் சோ.சந்திரசேகரன் அவர்களுக்கும், பேராசிரியர் சபா. ஜெயராசா அவர்களுக்கும் நன்றியைத் தெரிவித்துக்கொள்கிறேன். 
ஆசிரியர்களின் அறிவுப்புலம் மற்றும் தொழில்கள் சிந்தனைகள் விரிவுபட வேண்டும் என்னும் நோக்குடன் ஊக்கத்துடன் செயற்படும் 'அகவிழி' சஞ்சிகை ஆசிரியர் தெ.மதுசூதனன் தந்த உற்சாகம் குறிப்பிட்டுச் சொல்ல வேண்டிய விடயமாகும். இந்த நூலிலே இடம்பெற்றுள்ள கட்டுரைகள் சில 'அகவிழி' மாதாந்த சஞ்சிகையில் வந்தவை. அக்கட்டுரைகளை இந்நூலில் சேர்ப்பதற்கு அனுமதி வழங்கியமைக்காக அவருக்கு நன்றியைத் தெரிவித்துக் கொள்கிறேன்.
இந்நூலை வெளியிட்டு உதவும் சேமமடு பதிப்பக உரிமையாளர் சதபூ.பத்மசீலன் அவர்களுக்கும் மனமார்ந்த நன்றியைத் தெரிவிப்பதில் மகிழ்வடைகின்றேன். 

கலாநிதி.கருணாநிதி