சிறுவர்களுக்குக் கதைகள் எழுதவேண்டும். அதுவும் வயது பன்னிரண்டுக்குட்பட்டவர்களுக்கு எழுத வேண்டும் என்ற ஆவல் இந்நூலின் மூலம் நிறைவு பெறுகிறது. குறிப்பாக நான்காம் ஐந்தாம் ஆறாம் வகுப்புகளில் கல்வி கற்கும் சிறுவர்களுக்கு ஏற்ற வகையில் கதைகளை அமைத்துள்ளேன். விசேடமாக இச்சிறுவர்களின் மொழித்திறன் உளநிலை சமூக ஊடாட்ட நிலைகளை மனதில் வைத்தே ஆக்கியுள்ளேன். 
எதிர்மறைக் கருத்துகளைக் கையாளாது சார்புநிலை நோக்கிலே கதைகளைத் தந்துள்ளேன். நீண்ட வசனங்களைத் தவிர்த்து சிறிய சிறிய வசனங்களிலே கதைகளைத் தருவதால் சிறுவர்கள் நிச்சயம் பயனடைவார்கள். 
எமக்குச் சரியான இலக்கியப் பார்வையை ஏற்படுத்தியவரும் எனது ஆசிரியருமான நீர்வைப் பொன்னையன் அவர்கள் ஏற்ற வகையில் இந்நூலிற்கு முன்னுரையைத் தந்து சிறப்பித்தமைக்கு முதல் நன்றிகள். குறிப்பாக அட்டை ஓவியம் உட்பட கதைகளுக்குரிய படங்களையும் கீறிய ஓவியர் தவம் அவர்களுக்கும் நன்றிகள். சிறப்பாக  à®®à®¿à®•à®µà¯à®®à¯ எடுப்பாக எனது விருப்பிற்கேற்ப அச்சுவாகனமேற்றித் தமது பத்மம் பதிப்பகம் மூலம் நூலினை வெளியீடு செய்யும் சதபூ. பத்மசீலன் அவர்களுக்கும் எனது நெஞ்சார்ந்த நன்றிகளை எத்தனை தரம் கூறினும் தகும். 

சு.துரைசிங்கம்

சிறுவர் இலக்கியத்தில் மூன்று வகையுண்டு. அவைகள் பாடல்கள், கதைகள், நாடகங்களாகும். ஆரம்பத்தில் பாடல்களும் கதைகளும் வாய்மொழி இலக்கியங்களாக இருந்தன.