Book Type (புத்தக வகை) : நிர்வாகவியல்
Title (தலைப்பு) : திருக்குறளும் முகாமைத்துவமும்
Chemamadu Number (சேமமடு இலக்கம்) : CBCN:2009-10-02-052
ISBN : 978-955-1857-51-6
Author Name (எழுதியவர் பெயர்) : தி.வேல்நம்பி
Publication (பதிப்பகம்): சேமமடு பதிப்பகம்
Publisher (பதிப்பாளர்): சதபூ.பத்மசீலன்
Release Date (பதிப்பிக்கப்பட்ட ஆண்டு): 2009
Dimension (நூலின் உயரம், அகலம், எடை) : 21 cm 14 cm
No. of Pages (பக்கங்களின் எண்ணிக்கை): 120
Price (LKR) (விலை (இலங்கை ரூபாய்)): 280.00
Edition (பதிப்பு): முதற் பதிப்பு
Binding (கட்டு): சாதாரணம்
Language (மொழி): தமிழ்
Translation (மொழிபெயர்ப்பு): இல்லை, இது ஒரு நேரடி நூல்
Sales Details (விற்பனை விபரம்): விற்பனையில் உள்ளது
Content (உள்ளடக்கம்):

பொருளடக்கம்

  • அறிமுகம் 
  • முகாமைத்துவத் தத்துவங்களும் திருக்குறளும் 
  • திருக்குறளில் திட்டமிடலும் ஒழுங்கமைத்தலும்
  • திருக்குறளில் ஊழியரிடல்
  • திருக்குறளில் வழிநடத்தலும் கட்டுப்படுத்தலும் 
  • தொகுப்புரை 
Full Description (முழுவிபரம்):

கலாநிதி தி. வேல்நம்பி பல்துறை வல்லுநர்.  சமூக விஞ்ஞானத் துறையைச் சேர்ந்த அவர் தமிழ் இலக்கியங்களிலும் தமிழ் இலக்கிய வரலாற்றிலும் தமிழ்த் திறனாய்விலும் பரிச்சயமுடையவராயுள்ளார். சிறந்த தமிழ்ப் பேச்சாளர்.  பட்டிமன்றங்களிலே பங்குபற்றித் தமிழ்ப் புலமையினை வெளிப்படுத்தி வருபவர்.  யாழ்ப்பாணப் பல்கலைக் கழகத்திலே தமிழ்ப் பாடத்தில் முதுகலைமாணிப்பட்ட கற்கைநெறி தொடங்கியபோது, அதிலே சேர்ந்து கற்றவர். முதுகலைமாணிப் பட் டத்துக்காக அவர் எழுதிய ஆய்வேடு மிகச் சிறந்ததாக அமைந்தது. என்னுடைய வழிகாட்டலிலே அவர் அந்த ஆய்வேட்டினை எழுதிப் பல்கலைக்கழகத்துக்குச் சமர்ப்பித்தார்.  அது இப்பொழுது திருக்குறளும் முகாமைத்துவமும் - ஓர் ஒப்பீட்டாய்வு என்னும் தலைப்புடன் நூலாக வெளிவருகின்றது.
இந்நூல் ஆறு இயல்களைக் கொண்டமைகின்றது. பொது முகா மைத்துவத்திலே காணப்படும் பல்வேறு விடயங்களை எடுத்துக் கொண்டு அவை எவ்வாறு திருக்குறளிலே காணப்படுகின்றன என் பதை அறியும் தேடல் இந்நூலிலே இடம்பெறுகின்றது.  முதலில் பொது முகாமைத்துவம் பற்றிய கருத்துக்களை வெளிப்படுத்தும் குறட்பாக் களை இனங்கண்டு விளக்கம் தரப்படுகின்றது.  வள்ளுவன் திட்டமிடல், ஒழுங்கமைப்பு பற்றி திருக்குறளிலே என்ன கூறியுள்ளான் என்பதைத் தேடித் தொகுத்து, முகாமைத்துவக் கோட்பாடுகளுக்கு அவை இயை புற்றிருக்கின்றனவா என்பதை ஆசிரியர் ஆராய்ந்து விளக்கம் தருகின் றார்.  ஆட்சேர்ப்பு, வழிநடத்தல், கட்டுப்படுத்தல் முதலான கருத்துக் களை எவ்வாறு வள்ளுவனின் குறட்பாக்கள் வெளிப்படுத்துகின்றன என்பது பற்றியும் ஆசிரியர் விரிவான விளக்கம் தந்துள்ளார்.
சாதாரண வாசகனும் விளங்கிக்கொள்ளக்கூடிய வகையிலே விளக்கங்கள் தரப்பட்டுள்ளன. எளிமையும் சிறந்த கட்டுக்கோப்பு முடைய இந்நூல் சமூக விஞ்ஞானத்துறை மாணவர்களுக்கும் தமிழ்த் துறை மாணவர்களுக்கும் பயனுடையதாக அமையும். கலாநிதி வேல்நம்பிக்கு என்னுடைய பாராட்டுக்களைத் தெரிவிக்கிறேன்.  பல் துறை நூலாகிய இதற்கு ஓர் அணிந்துரை எழுதுவதில் மிகுந்த மகிழ்ச்சியடைகிறேன்.

பேராசிரியர் அ. சண்முகதாஸ், Ph.னு. (நுனinடிரசபா)
நிபுணத்துவ ஆலோசகர்  ஃ மொழித்துறை  
தென்கிழக்குப் பல்கலைக்கழகம்