எங்கள்     வீட்டு    
யன்னல்    ஓரம்
புலுனி    ஒன்று    பறந்தது.

தங்கு    தடையே
இல்லா     திருந்த
கம்பி     ஊடே    வந்தது.

அங்கு    வந்த
அம்மா    பார்க்க
புலுனி    வெளியே    பறந்தது.

பொங்கல்     கொஞ்சம்
எடுத்த    அம்மா
யன்னல்    வழியே    வீசினார்.

எங்கோ    இருந்து
புலுனிகள்    கூடியே
இனிக்க    இனிக்க    உண்டன.

குழந்தைகளுக்காக எழுதப்பட்டதே இக்கதை நூல். இது ஒரு வழி நூலாகும். உலக நாட்டுச் சிறுவர் கதைகளிலிருந்து குறுகிய வடிவம் பெற்றவையே இக்கதைகள். குறிப்பாக இக்கதைகளைச் சிறிய வசனங்களாலும் இலகு சொற்களினாலும் ஆக்கியுள்ளேன். 
நீண்ட கதைகளைக் குறுகிய வடிவில் தந்துள்ளதால் இவை குழந்தைகளின் சிந்தனையைத் தூண்டும் என்பதில் நம்பிக்கையுண்டு. 
இந்நூலினை குழந்தைகளுக்காக அச்சிட்டு வெளியிடும் பத்மம் பதிப்பகத்தாருக்கு நன்றிகள் என்றும் உண்டு. 

சு.துரைசிங்கம்