தம்பி ஒன்று சொல்லுகின்றேன் 
சற்று நின்று கேட்டிடு
தம்பி இதனை ஏற்;று உலகில் 
நன்மை செய்து காட்டிடு

சாதி சமய ஏற்றத்ததாழ்வுச்
சாக்கடையில் வழாதே
அதி மனிதன் என்ற நிலையில் 
அச்சம் கொண்டு அழாதே

மனிதர் யாரும் ஒன்று இந்த 
மண்ணில் என்று போற்றுவாய் 
துணிவு கொண்டு உன் பணியைத் 
தொடங்கி  உலகை மாற்றுவாய்

ஏழை என்றும் அடிமை என்றும் 
எவரையும் நீ எள்ளாதே 
நாளை உலகம் உனது கையில் 
நல்ல வார்த்தை தள்ளாதே. 

பேராசிரியர் நாகநாதன் ஞானகுமாரன் கடந்த 34 வருடங்களாக யாழ்ப்பாணப் பல்கலைக்கழகத்தில் மெய்யியல் துறையில் கடமையாற்றி வருபவர். இவர் பாரதி போற்றிய அருளம்பலசுவாமிகள் (1992), நயந்தரும் சைவசித்தாந்தம் (1994), சைவசித்தாந்தத் தெளிவு (1994), சைவசமயப் பிரிவுகள் பற்றியோர் ஆய்வு (1995), சைவசித்தாந்தத்தில் அத்துவித எண்ணக்கருத்து (1997), மெய்யியல்(2003), அருளாளர்களின் சமய அனுபவம்(2004), சைவசித்தாந்தத் தெளிவு (திருத்திய பதிப்பு 2012), மாயை பற்றிய கருத்தும் வேதாந்தக் காட்சியும் (2012), மெய்யியல்(திருத்திய பதிப்பு 2012) முதலான நூல்களின் ஆசிரியர்.