யுத்தம் என்னும் அரக்கன் இல்லா 
யுகம் ஒன்று வருகுது
யுகம் யுகமாய் வந்த துன்ப 
யுகம் மறைந்து போகுது.

ஆயுதங்கள் வன்முறைகள் 
அடிதடிகள் இனி இல்லை
அழிவு சேதம் அகதி துன்பம்
அகிலம் எங்கும் இனி இல்லை

கொலை கலவு கொடுமை தீமை 
குத்து வெட்டு இனி இல்லை. 
குரோதம் பகைமை போட்டி பொறாமை
குவலயத்தில் இனி இல்லை. 

அன்பு நட்பு அமைதி பொறுமை 
அகிலம் எங்கும் பெருகியே 
அரிய மனிதப் பண்பு ஓங்கும் 
அவனி எங்கும் விரைவிலே 

இலங்கை திறந்த பல்கலைக்கழகத்தின் கல்விப்பீடத்தில் முதுநிலை விரிவுரையாளராகப் பணிபுரிகின்ற கலாநிதி சசிகலா குகமூர்த்தி அவர்கள் கல்வித்துறையில் சுமார் மூன்று தசாப்தகால அனுபவத்தினைக் கொண்டவராவார்.