தம்பி ஒன்று சொல்லுகின்றேன் 
சற்று நின்று கேட்டிடு
தம்பி இதனை ஏற்;று உலகில் 
நன்மை செய்து காட்டிடு

சாதி சமய ஏற்றத்ததாழ்வுச்
சாக்கடையில் வழாதே
அதி மனிதன் என்ற நிலையில் 
அச்சம் கொண்டு அழாதே

மனிதர் யாரும் ஒன்று இந்த 
மண்ணில் என்று போற்றுவாய் 
துணிவு கொண்டு உன் பணியைத் 
தொடங்கி  உலகை மாற்றுவாய்

ஏழை என்றும் அடிமை என்றும் 
எவரையும் நீ எள்ளாதே 
நாளை உலகம் உனது கையில் 
நல்ல வார்த்தை தள்ளாதே. 

திரு. சௌந்தரராஜன் அவர்கள் நூலக விளிப்புணர்வு நிறுவனத்தின் ஆலோகசராக இருந்து வருகின்றார். சேமமடு பதிப்பகமும் நூலக விளிப்புணர்வு நிறுவனமும் இணைந்த வெளியிட்ட 'கருத்தூண்' சிறப்பு மலர் 2005 – 2015 மலர் ஆசிரியராக கடமையாற்றியவர்.