பொருளடக்கம்

• சேவை சந்தைப்படுத்தல் பற்றிய ஒர் அறிமுகம்
• சேவைத் தரம்
• சேவை சந்தைப்படுத்தலில் வாடிக்கையாளர் நடத்தை 
• சந்தை துண்டமாக்கல்
• சேவை சந்தையிடுதல் தந்திரோபாயம்
• சேவைச்சந்தைப்படுத்தலில் விலையிடலின் பங்கு
• சேவைச் சந்தைப்படுத்தலில் மேம்படுத்தல் நடவடிக்கையின் பங்கு
• சேவை நிறுவனங்களின் ஊழியர்களினை முகாமை செய்தல்
• சந்தை ஆராய்ச்சி

உலகில் பிரபல்யம் அடைந்துவரும் கற்கை நெறிகளில் சந்தைப்படுத்தல் முகாமைத்துவம் முதன்மையான இடத்தை வகிக்கின்றது. அந்த வகையில் சேவைச் சந்தைப்படுத்தல் பற்றியும் அதன் பரிணாம வளர்ச்சி பற்றியும் ஆராய்தல் இவ்வுலகிற்கு இன்றியமையாததும் தேவைப்பாடுடையதுமாகும். ஏனெனில் உலக நாடுகளின் பொருளாதாரக் கட்டமைப்பில் சேவைத்துறையானது மிக முக்கியமான பங்கினை வகிக்கின்றதுடன் பொருளாதாரமும் அதன் உதவியுடன் கட்டியெழுப்பப்படுவதையும் அவதானிக்க முடிகின்றது. இதன் விளைவாய் சேவைச் சந்தைப்படுத்தல் குறித்த நூல் ஒன்றினை எழுதும் நாட்டம் தோன்றியது. அந்தவகையில் எழுதப்பட்ட நூல்லானது ஒன்பது கட்டுரைகளினை உள்ளடக்கியுள்ளது. ஓவ்வொரு கட்டுரையும் கொள்கைகளையும், நடைமுறை உதாரணங்களையும் தன்னகத்தே கொண்டுள்ளது. 
சேவை சந்தைப்படுத்தலுக்கு தமிழ்மொழி வழி நூல்கள் மிக அரிதே என்கின்ற குறையினை இந் நூலின் மூலம் குறைக்க முனைந்துள்ளேன். நூலினை உருவாக்குவதற்கு எனக்கு உறுதுணையாகவிருந்த அனைத்து அன்புள்ளங்களுக்கும் எனது மனப்பூர்வமான நன்றிகள். குறிப்பாக என்னை எழுதத்தூண்டிய எனது தந்தை பேராசிரியர் க. சிவானந்தமூர்த்திக்கு என் இனிய நன்றிகள். எனது நூலினை வெளியீடு செய்யும் பதிப்பாளர் சதபூ. பத்மசீலனுக்கும் நன்றிகள். 
இந் நூலுக்கு அணிந்துரை, வழங்கிய முகாமைக் கற்கைகள் வணிகபீட பீடாதிபதி பேராசிரியர் க. தேவராஜா அவர்களுக்கும், சந்தைப்படுத்தல் துறைத் தலைவர் இ. இரட்ணம் அவர்களுக்கும், அணிந்துரை வழங்கிய பேராசிரியர் தி. வேல்நம்பி அவர்களுக்கும் எனது மனமார்ந்த நன்றிகள்.
சி.சிவேசன்