ஆசிரியர்கள் பாடசாலைக் கல்வி முறையின் மைய விசையாக கருதப்படுகிறார்கள். பாடசாலை கல்வியை விளைதிறன் மிக்கதாக்க வேண்டிய தேவை உலகரீதியாக வற்புறுத்தப்படுகின்றது. கல்வியில்அதிகளவு அரச நிதியை முதலீடு செய்துவரும் இலங்கை போன்ற நாடுகள் பாடசாலைக் கல்வி தோல்வியடையாது தடுப்பது தொடர்பாக தொடர்ந்து முனைப்புடன் செயற்பட்டு வருகின்றன. இந்த தேவையப்படையில் ஆசிரியர்கள் பற்றிய கவனக்குவிப்பு அதிகரித்து வருவது நியாயமானதாகிவிட்டது. 
ஆசிரியர்கள் தம்மளவிலும் பாடசாலை மட்டத்திலும் வினைத்திறனுடன் செயற்பட வேண்டியது மிக அவசியமாகும். இவை தொடர்பான அம்சங்கள் இந்நூலி ஆராயப்பட்டுள்ளன. அதேபோல் சமூக மட்டத்திலும் பல்வகைப்பட்ட மாதிரிகளில் தொழிற்பட வேண்டியுள்ளது. இதனால் பாடசாலை ஆசிரியர்களை விளைதிறன் மிக்கவராக முன்னேற்றுவதற்கான வழிமுறைகள் பற்றியும், வழிகாட்டல்கள் பற்றியும் இந்நூல் விரிவாக ஆராய்கின்றது.
ஆழமாக இந்த நூலை வாசிக்கும் ஒவ்வொரு ஆசிரியரதும் சிந்தனை, நடத்தை என்பவற்றில் நிச்சயமாக மாறுதல்கள் ஏற்படும் என நம்புகிறேன் எனது வாசிப்புப்பலமும், அனுபவங்களும் ஆசிரியர் மீதான கூர்மையான எனது அவதானமும் இந்த நூலை விரிவாக எழுதுவதற்கு எனக்கு உதவின.
இந்த நூலை எழுதுங் காலத்தில் எனக்கு பல்வேறு வழிகளிலும் உதவிய எனது அன்பு மனைவி சசிலேகாவுக்கும் எனது பிள்ளைகளான சிராணி, சாளினி ஆகியோருக்கும் நன்றி தெரிவிக்க விரும்புகின்றேன்.
நெருக்கடியான காலகட்டத்தில் தமிழர் உயர்கல்வி நிறுவனமான யாழ்ப்பாணப் பல்களைக் கழகத்தை திறமையாக நிர்வகித்து வரும் துணைவேந்தர் பேராசிரியர் நாகலிங்கம் சண்மு�

கோபாலபிள்ளை நேசம்மா தம்பதியினரின் மகனாகிய கலாநிதி. கோ.அமிர்தலிங்கம் சம்புர் மகாவித்தியாலயத்தில் தனது பாடசாலைக் கல்வியினைக் கற்று யாழ்ப்பாணப் பல்கலைக்கழகம், கொழும்புப் பல்கலைக்கழகம், ஜவகர்லால்நேரு பல்கலைக்கழகம் என்பவற்றில் தனது பட்டப் படிப்புக்களை மேற்கொண்டுள்ளார். அமரிக்கா, கனடா, ஆர்ஜென்டீனா, சீனா ஆகிய நாடுகளில் இடம்பெற்ற பல சர்வதேச மாநாடுகளில் பல ஆய்வுக் கட்டுரைகளைச் சமர்ப்பித்துள்ள இவர் கலாநிதி.ரஜித் லக்ஸ்மனுடன் இணைந்து பிரித்தானியாவில் இருந்து வெளிவரும் புகழ்பெற்ற சஞ்சிகைகளான Journal of Refugee Studies மற்றும் Disasters என்பவற்றில் பலஆய்வுக் கட்டுரைகளை வெளிட்டுள்ளதுடன் இலங்கையிலிருந்து வெளிவரும் Sri Lanka Economic Journal போன்ற சஞ்சிகைகளிலும் பலஆய்வுக் கட்டுரைகளையும் வெளிட்டுள்ளார். இவரது இலங்கைப் பொருளாதாரம் என்னும் இலங்கையின் பலபல்கலைக்கழகங்களில் தோ்ந்