அறிவியற் கருத்துக்கள் சில தெரிந்தெடுக்கப்பட்டு மாணவரின் வாசிப்புக்கு ஏற்ற நிலையிலே தரப்பட்டுள்ளன.
அவற்றோடு இணைந்த பாட்டியின் கதைகளும் தொடுக்கப்பட்டுள்ளன.
சிறுவர் இலக்கியத்தைப் பொறுத்தவரை இது ஒரு வித்தியாசமான படைப்பு. 
ஒரு பரிசோதனை முயற்சி என்றும் சொல்லலாம். 
மகிழ்நிலைக் கற்றலுக்கு இந்நூல் பயனுடையதாக இருக்கும். 
சிறுவரின் வாசிப்புக்கு இந்நூல் மேலும் சுவையூட்டும்.
அவர்களை வாசிக்கச் செய்தல் வளர்ந்தோரின் கடமையாகின்றது. 

நூலாசிரியர்

சிவசுப்பிரமணியம் ரகுராம் கிழக்குப் பல்கலைக்கழக திருகோணமலை வளாகத்தில் தொடர்பாடல் கற்கையியல் முதுநிலை விரிவுரையாளராகப் பணிபுரிபவர். இவர் தொடர்பியல் கல்வியை தமது சிறப்புத் துறையாகத் தேர்வு செய்து ஆய்வுகளை மேற்கொள்பவர். இத்துறையில் முனைவர் பட்டமும் பெற்றவர். தொடர்பாடல் கற்கைகள் சமூகவியல், பண்பாட்டியல், கலைகள், உளவியல், மொழியியல், அரங்கியல், நாட்டார் வழக்காற்றியல், அரசியற் பொருளியல் முதலான பல்துறை அறிவுப் புலங்களுடன் ஊடாட்டம் கொண்டது. இந்த அறிகை மரபின் பன்முக ஆய்வு இணைப்பாக்கப் பின்புலத்தில் உயிர்ப்புடன் இயங்குபவர்.