பாடசாலை அதிக சமூக கவன ஈர்ப்புக்குரியனவாகிவிட்டன. ஊடகங்கள், சமூக நிறுவனங்கள், அரசியல் கட்சியினர், உதவி வழங்கும் உள்நாட்டு மற்றும் வெளிநாட்டு நிறுவனங்கள் போன்ற பலரும் பாடசாலைகள் முகாமை செய்யப்படும் முறைமை பற்றி அதிருப்தி தெரிவிக்கின்றனர்.
அதிக நிதியை செலவிடும் அரசாங்கமும் தனது நிதிவளம் நன்கு முகாமை செய்யப்படவில்லை என்று கண்டனங்களைத் தெரிவிக்கின்றது. பெற்றோர் கூட மாணவரை ஈர்த்துக்கொள்ளும் வகையில் அவை முகாமை செய்யப்படவில்லையென்றும் அதனால்தான் தனியார் பாடசாலைகளும், கல்வி நிறுவனங்களும் வளர்கின்றன என்றும் கருத்து தெரிவிக்கின்றனர்.
இந்த பின்னணியை மனதில் கொண்டு இந்த நூலை எழுதியுள்ளேன். சமகால முகாமைத்துவ அறைகூவல்களை எதிர்கொள்ளும் புதிய தகைமை மற்றும் திறன்கள் பற்றி அதிக கவனத்துடன் எழுதியுள்ளேன்.
அதிபர்களுக்கும், பகுதித்தலைவர்களுக்கும், ஏனைய ஆசிரியர்களுக்கும் இது மிகவும் பயன்படும் என்று நம்புகிறேன். 
இந்த நூலை எழுதும்போது எனக்கு நிறையவே உதவிய அன்பு மனைவி சசிலேகாவுக்கு நிச்சயம் நன்றி கூறவேண்டும். 
மிக அபாயகரமான காலப்பகுதியில் யாழ்ப்பாண பல்கலைக்கழகத்தை உயிரோட்டத்துடன் முகாமை செய்த பேராசிரியரிரும், சிந்தனையாளரும், உன்னதமான மனித விழுமியங்களும் கொண்ட யதார்த்தவாதி பேராசிரியர் முன்னாள் துணைவேந்தர் பொ. பாலசுந்தரம்பிள்ளை அவர்களுக்கு இந்த நூலை சமர்ப்பணம் செய்வதன் மூலம் நான் மனநிறைவடைகின்றேன்.
எனது இந்த நூலை வெளியிடுவதில் அக்கறை கொண்டு, அழகாகவும், திருத்தமாகவும் இதனை வெளியிடும் சேமமடு பதிப்பக உரிமையாளர் திரு.பத்மசீலன் அவர்களும் அவர

கவிஞர் துரையர் என இலக்கிய உலகில் பரவலாக அறியப்பட்ட கலாபூஷணம் சு.துரைசிங்கம் அவர்களைக் கடந்த முப்பத்தைந்து வருடங்களாக அறிவேன். ஆசிரியராக, ஆசிரிய ஆலோசகராக பின்னர் அதிபராக உயர்ந்து வந்தவர் அவர். அவரது பதினாறாவது வயதில், சுன்னாகம் ஸ்கந்த வரோதயக் கல்லூரி மாணவராக இருந்தபோது அவரது முதலாவது கவிதை வெளிவந்தது. அதனைத் தொடர்ந்து பல ஊடகங்களில் எழுதிக் கொண்டிருந்த இவர் 1972இல் தனது தெருவிளக்கு என்ற கவிதை நூலினை வெளிக்கொணர்ந்தார். சிறுவர் பாடல் தொகுதிகள் மூன்று சமயம் சார்ந்த நூல்கள்   மூன்று, புவியியல் சார்ந்த நூல்கள் இரண்டு ஆகியவை  இதுவரை வெளிவந்துள்ளன. கவிக்குரல்கள் என்ற  ஒலிப்பதிவு நாடாவும் இந்து தர்மத்தில் பத்துக்கள் என்ற தொலைக்காட்சித் தொடரும் கூட இவரால் தயாரிக்கப்பட்டவை. இந்து தர்மத்தில் பத்துக்கள் மாணவர்களுக்கு மிகப் பயனுள்ள த�