வள்ளம்     ஒன்று     மிதக்குது
    வாய்க்கால்     மீது     போகுது
    துள்ளித்     துள்ளி    விரையுது
    தூரத்     தூர    மறையுது

    மக்கள்     யாரும்    இல்லை
    மாலுமி    துணையும்    இல்லை
    தக்க     சவளும்    இல்லை
    தானாய்    மிதந்து    போகுதே

    ஓடும்     நீரின்     துணையிலே
    உந்தி     உந்திப்     போகுதே
    ஓடா     நீரும்     வற்றவே
    ஒதுங்கிக்     கரையில்     நிற்குதே    

குழந்தைகளுக்காக எழுதப்பட்டதே இக்கதை நூல். இது ஒரு வழி நூலாகும். உலக நாட்டுச் சிறுவர் கதைகளிலிருந்து குறுகிய வடிவம் பெற்றவையே இக்கதைகள். குறிப்பாக இக்கதைகளைச் சிறிய வசனங்களாலும் இலகு சொற்களினாலும் ஆக்கியுள்ளேன். 
நீண்ட கதைகளைக் குறுகிய வடிவில் தந்துள்ளதால் இவை குழந்தைகளின் சிந்தனையைத் தூண்டும் என்பதில் நம்பிக்கையுண்டு. 
இந்நூலினை குழந்தைகளுக்காக அச்சிட்டு வெளியிடும் பத்மம் பதிப்பகத்தாருக்கு நன்றிகள் என்றும் உண்டு. 

சு.துரைசிங்கம்