தம்பி ஒன்று சொல்லுகின்றேன் 
சற்று நின்று கேட்டிடு
தம்பி இதனை ஏற்;று உலகில் 
நன்மை செய்து காட்டிடு

சாதி சமய ஏற்றத்ததாழ்வுச்
சாக்கடையில் வழாதே
அதி மனிதன் என்ற நிலையில் 
அச்சம் கொண்டு அழாதே

மனிதர் யாரும் ஒன்று இந்த 
மண்ணில் என்று போற்றுவாய் 
துணிவு கொண்டு உன் பணியைத் 
தொடங்கி  உலகை மாற்றுவாய்

ஏழை என்றும் அடிமை என்றும் 
எவரையும் நீ எள்ளாதே 
நாளை உலகம் உனது கையில் 
நல்ல வார்த்தை தள்ளாதே. 

முனைவர் திருநாவுக்கரசு வேல்நம்பி யாழ்ப்பாணப் பல்கலைக்கழகத்தில் வணிகவியல் முகாமைத்துவத்துறையில் முதுநிலை விரிவுரையாளராக உள்ளார். இவர் கணக்கியல், வர்த்தகம், முகாமைத்துவம் தொடர்பில் பல்வேறு ஆய்வுக் கட்டுரைகள் எழுதி வெளியிட்டுள்ளார். இந்தப் பயிற்சியும் தேடலும் தமிழ் மரபு பண்புசார் புலங்களுடன் ஊடாடி புதிய ஆய்வுத் தோற்றப்பாடுகள் உருவாக்கவும் ஆர்வம் கொண்டவராக உள்ளார். முகாமைத்துவச் சிந்தனையாளர் தமிழியல் ஆய்வுச் செல்நெறிகளுள் உள்வாங்கப்படுகின்றார். இதன் இன்னொரு வெளிப்பாடாகவே முகாமைத்துவமும் திருக்குறளும் என்னும் நூல் அமைகின்றது.