'வானளாவ உயர்ந்த கட்டிடங்கள் சூழ்ந்த ஒரு கொங்கிறீட் காடு போல் மாறியுள்ள இன்றைய நகரத்தில் வாழும் சிறுவன் ஒருவனுக்கு உண்மையான இயற்கைச் சுற்றுச் சூழல் பற்றிய உணர்வை ஏற்படுத்துவதை நோக்காகக் கொண்டு இந்நாடகம் இங்கு தரப்படுகின்றது. கோபாலன் இன்றைய சிறுவன். பூதம் அனுபவ முதிர்ச்சி, மாசற்ற இயற்கையின் வடிவம் பாடல்கள், இசை என்பன இலகுவான முறையில் மெட்டமைக்கப்பட்டு பாடப்படலாம்'

கந்தையா சண்முகலிங்கம் ( 1945 ) பன்னாலை சேர் கனகசபை வித்தியாசாலையிலும், தெல்லிப்பழை மகாஜனாக் கல்லூரியிலும் கல்வி கற்றார். 1962 இல் பேரதனைப் பல்கலைக்கழகத்திற்குச் சென்று கல்வி கற்று கலைமாமணிப் பட்டத்தினைப் பெற்றுப் பின்னர் SLIDA நிறுவனத்தில் கற்றுப் பொது நிர்வாகவியல் பட்டத்தையும் பெற்றார். இலங்கை நிர்வாக சேவையில் ( 1971 - 2004 ) பல்வேறு உயர் பதவிகளை வகித்துள்ளார்.