வளர்ந்த சிறுவர்கள் மத்தியில் மகிழ்நிலை வாசிப்பை வளர்க்கும் நோக்குடன் இதிலுள்ள ஆக்கங்கள் எழுதப்பட்டுள்ளன.
தாமாக வாசித்து இன்புறும் பழக்கத்தை வளர்ந்த சிறுவர்களிடத்தே உருவாக்க வேண்டியுள்ளது. அது நவீன கல்விச் செயல்முறையின் தேவையாகவுமுள்ளது. உளவியல் ஆய்வுகளை அடியொற்றி இந்த ஆக்கங்கள் வடிவமைக்கப்பட்டுள்ளன. 
ஒருபுறம் தகவல்களும் இன்னொருபுறம் கற்பனைகளும் ஒன்றிணைக்கப்பட்டுள்ளன. 
இத்தகைய எழுத்தாக்கங்களை எழுதும்படி எனக்கு ஊக்கம் தரும் பல்கலைக்கழகங்கள் ஆசிரிய கலாசாலைகள் மற்றும் கல்வியியற் கல்லூரிகள் முதலியவற்றின் மாணவர்களுக்கு நன்றி

சபா.ஜெயராசா

ஆனந்தமயில் நித்திலவர்ணன் யாழ்ப்பாண பல்கலைக்கழகத்தில் கல்வியியல் துறையில் விரிவுரையாளர். இவர் கல்வியியல் துறையை தனது கற்கையாக ஆய்வாக தொடருறு புலமைச் செயற்பாடாக வளர்த்து வருபவர். இன்று கல்வியியல் ஆய்வுகள் பல கிளைகளாக பன்மை நிலைகளாக வளர்ச்சியடைந்து வருகின்றன. இதனால் பல்வேறு கருத்தியல் தழுவிய பொருத்தமான கருத்து வினைப்பாடுகள் மேலெழுச்சி பெறுகின்றன.