பால்முகம் மாறாப் பாலகனே
        பால்சோறு உண்ண ஓடிவா
கால்கள் தரையில் படாமலே
        காற்றாய்ப் பறந்து ஓடிவா

ஆச்சி கறந்த பாலை
        அம்மா காய்ச்சி வாறேன்
போச்சி நிறையத் தாறேன்
        பொன்னே நீயும் வாராய்

அண்ணன் வந்தால் பறிப்பான்
        அக்கா கண்டால் மறிப்பாள்
கண்ணே ஓடி வாடா
        கனிரசம் உண்டு போடா

சின்னக் கண்ணா வாடா
        சின்னக் காலால் வாடா
அன்னம் உண்ண வாராய்
        அம்மா மகிழப் பாராய்

இவரது கவிதைகளில் உணர்வைவிட சிந்தனைக் கனதி முனைப்பாக இருக்கும். புகழ்பெற்ற பாரசீக சூபிக் கவிஞர் மௌலான றூமியின் கிதாபுல் மஸ்னவியில் உள்ள கவிதைகள் சிலவற்றை மொழிபெயர்த்து மௌலான றூமியின் சிந்தனைகள் (1969 ) என்ற பெயரில் வெளியிட்டார். இக்பால் கவிதையில் சிந்தனைக்கு முக்கியத்துவம் கொடுப்பவர் என்பதற்கு உதுவும் ஒரு உதாரணம். - பேராசிரியர் எம்.ஏ.நுஃமான்