யுத்தம் என்னும் அரக்கன் இல்லா 
யுகம் ஒன்று வருகுது
யுகம் யுகமாய் வந்த துன்ப 
யுகம் மறைந்து போகுது.

ஆயுதங்கள் வன்முறைகள் 
அடிதடிகள் இனி இல்லை
அழிவு சேதம் அகதி துன்பம்
அகிலம் எங்கும் இனி இல்லை

கொலை கலவு கொடுமை தீமை 
குத்து வெட்டு இனி இல்லை. 
குரோதம் பகைமை போட்டி பொறாமை
குவலயத்தில் இனி இல்லை. 

அன்பு நட்பு அமைதி பொறுமை 
அகிலம் எங்கும் பெருகியே 
அரிய மனிதப் பண்பு ஓங்கும் 
அவனி எங்கும் விரைவிலே 

நாவலப்பிட்டியைப் பிறப்பிடமாகவும் தற்பொழுது கொழும்பை வசிப்பிடமாகவும் கொண்ட கே.பொன்னுத்துரை தனது பதினெட்டாவது வயதில் ஈழநாடு பத்திரிகையின் நிருபராக எழுத்துலகில் காலடி பதித்துப் பின்னர் தினபதியில் செய்தியாளராகவும், 94 இற்குப் பின் தினகரன், இ.ஒ.கூ ஆகியவற்றின் செய்தியாளராகவும் பணி புரிந்துள்ளார். சமூக, சமய, இலக்கிய, கல்வி, கலைச் செயற்பாட்டாளரான இவரின் ஆக்கங்கள் கிருஷ்ண மீரா என்ற புனை பெயரிலும் இலங்கையின் முன்னணி பத்திரிகை சஞ்சிகைகளில் பிரசுரமாகியுள்ளன. கேபிடி எனவும் இலக்கிய உலகில் அறியப்படுபவர். 

இன, மத, மொழி, பிரதேச வேறுபாடுகள் இல்லாமல் இளைய தலைமுறைப் படைப்பாளிகளை ஊக்கப்படுத்தி வருபவர்