உதிரத்தில் உருவான உறவு
        உயிருள்ள வரையும் தொடரும்
    சதிரத்தில் ஏற்படும் துடிப்பு
        சகவாச தோஷத்தால் பிடிப்பு.

    அண்ணன் தம்பி உறவு
        அக்கா தங்கை உறவு
    மண்ணில் வாழும் வரையும்
        மனதில் நின்று குலவும்

    தந்தை வழி சொந்தம்
        தாய்வழி சொந்தம்
    இந்த உலகில் நமக்கு
        இருந்து வரும் சொந்தம்

    இன்ப துன்பம் இரண்டிலும்
        இரண்டறக் கலந்திடும் சொந்தம்
    அன்பு வழியில் நாமும்
        அரவணைத்து நடப்போம் வாழ்வில்

    தன்னை அடையாளம் காட்டுவது
        தனது சொந்தம் என்பதை
    பிள்ளை நீயும் அறிவாய்
        பெரிதும் பேணி நடப்பாய் 

வடக்கு மாகாணக்கல்வித் திணைக்களத்தில் மாகாண மேலதிகக் கல்விப் பணிப்பாளராக கடமையாற்றுபவர். இலங்கை கல்வி நிர்வாக சேவையைச் சேர்ந்தவர். இவர் எழுத்தாளர், ஓவியர், நாடகவியலாளர், சிறுவர் அரங்கச் செயற்பாடுகளில் தொடர்ச்சியாக ஈடுபட்டு வருபவர். சிறுவர்களின் சுயாதீனம், சுதந்திரச் செயற்பாடு, ஆக்க வெளிப்பாடு பற்றிய தெளிவான சிந்தனை கொண்டவர்.