தமிழ் மரபிலே பல கல்வி நிலையங்கள் காணப்பட்டன.
இன்று புதிய கல்வி நிலையங்கள் உருவாக்கம் பெற்றுள்ளன. 
அவற்றைச் சிறுவர்களுக்கு அறிமுகப்படுத்தும் ஆக்கம் இங்கே இடம்பெற்றுள்ளது. 
எமது கல்வி வரலாற்றில் உருவாக்கம் பெற்ற நிறுவனங்களின் பதிவுகள் முக்கியமானவை.
அவற்றைச் சிறுவர்களுக்கு அறியத்தருதல் சுவையாக முன்னெடுக்கப்பட்டுள்ளது. 
வளர்ந்த சிறுவர்களின் வாசிப்பு மேம்பாட்டை அடியொற்றி இந்நூலாக்கம் மேற்கொள்ளப்பட்டுள்ளது. 

- சபா.ஜெயராசா

முனைவர் திருநாவுக்கரசு வேல்நம்பி யாழ்ப்பாணப் பல்கலைக்கழகத்தில் வணிகவியல் முகாமைத்துவத்துறையில் முதுநிலை விரிவுரையாளராக உள்ளார். இவர் கணக்கியல், வர்த்தகம், முகாமைத்துவம் தொடர்பில் பல்வேறு ஆய்வுக் கட்டுரைகள் எழுதி வெளியிட்டுள்ளார். இந்தப் பயிற்சியும் தேடலும் தமிழ் மரபு பண்புசார் புலங்களுடன் ஊடாடி புதிய ஆய்வுத் தோற்றப்பாடுகள் உருவாக்கவும் ஆர்வம் கொண்டவராக உள்ளார். முகாமைத்துவச் சிந்தனையாளர் தமிழியல் ஆய்வுச் செல்நெறிகளுள் உள்வாங்கப்படுகின்றார். இதன் இன்னொரு வெளிப்பாடாகவே முகாமைத்துவமும் திருக்குறளும் என்னும் நூல் அமைகின்றது.