சிரிக்க விடுங்கள் - எங்களை 
சிரிக்க விடுங்கள்.

சிறுவர் நாங்கள் பேதம் இன்றிச்
சேர்ந்து மகிழ்ந்து பாடி ஆடிச் 
சிரிக்க விடுங்கள் - எங்களை 
சிரிக்க விடுங்கள்.

அடிமைகளாய் வீட்டுக் கூலி 
ஆளாய் எம்மை அனுப்ப வேண்டாம்.
அடிதடிக்குள் எம்மைச் சேர்த்து 
ஆயுதத்தால் அழிக்க வேண்டாம். 

சாதி பேதச் சாக்கடைக்குள் 
தள்ளி எம்மை வீழ்த்த வேண்டாம்.
சமய பேதப் போர்க்களத்தில்
தலையுடைக்க அனுப்ப வேண்டாம் 

யுத்தம் என்னும் அரக்கன் இல்லா 
யுகம் ஒன்று வருகுது
யுகம் யுகமாய் வந்த துன்ப 
யுகம் மறைந்து போகுது.

ஆயுதங்கள் வன்முறைகள் 
அடிதடிகள் இனி இல்லை
அழிவு சேதம் அகதி துன்பம்
அகிலம் எங்கும் இனி இல்லை

கொலை கலவு கொடுமை தீமை 
குத்து வெட்டு இனி இல்லை. 
குரோதம் பகைமை போட்டி பொறாமை
குவலயத்தில் இனி இல்லை. 

அன்பு நட்பு அமைதி பொறுமை 
அகிலம் எங்கும் பெருகியே 
அரிய மனிதப் பண்பு ஓங்கும் 
அவனி எங்கும் விரைவிலே