சிறுவர் அணி என சிறக்க வைத்திட
    பெரியோர் மகிழ்ந்திடும் பெருமை செய்குவோம்
    கற்கும் ஆற்றலை கற்றுத் தெளிந்திட 
    கருமம் ஆற்றுவோம் கண்ணயர்ந்திடோம்
    தூர முழங்கிடும் இடியை வெல்லுவோம்
    மதியைக் கொண்டு நாம் மகிழ்வைக் காணுவோம்
    சிறுவர் அணி என சிறக்க வைத்திட
    பெரியோர் மகிழ்ந்திடும் பெருமை செய்குவோம்.
    (வாருங்கோ.......

இவ் அரங்கு சிறார்களின் விளையாட்டு, வினோதம் மகிழ்ச்சி என்பவற்றை வெளிப்படுத்தக்கூடியதான நகைச்சுவை கதையைக் கொண்டது. 
நிலாவன் என்கின்ற முயலின் சாதுரியமும்  குடியானவனின்  மேளத்தை துளைத்துப் பார்க்க முனைந்த நரியின் விவேகமற்ற செயலும் அதனால் ஏற்பட்ட விளைவுமே கதையாக உள்ளது. முயல், நரி, கரடி, மான், வரிக்குதிரை, ஒட்டகம், எருது, யானை, சிங்கம், சேவல்,  குரங்கு போன்ற மிருகங்களுக்காக சிறார்கள் மகிழ்வுடன் பங்கேற்க முடியும். இதை விட மரங்களாகவும், கதை சொல்லியாகவும் (உரைஞர்) சிறார்கள் பங்குபற்றலாம். அவர்களே பாடல்களைப் பாடலாம்.