உதிரத்தில் உருவான உறவு
        உயிருள்ள வரையும் தொடரும்
    சதிரத்தில் ஏற்படும் துடிப்பு
        சகவாச தோஷத்தால் பிடிப்பு.

    அண்ணன் தம்பி உறவு
        அக்கா தங்கை உறவு
    மண்ணில் வாழும் வரையும்
        மனதில் நின்று குலவும்

    தந்தை வழி சொந்தம்
        தாய்வழி சொந்தம்
    இந்த உலகில் நமக்கு
        இருந்து வரும் சொந்தம்

    இன்ப துன்பம் இரண்டிலும்
        இரண்டறக் கலந்திடும் சொந்தம்
    அன்பு வழியில் நாமும்
        அரவணைத்து நடப்போம் வாழ்வில்

    தன்னை அடையாளம் காட்டுவது
        தனது சொந்தம் என்பதை
    பிள்ளை நீயும் அறிவாய்
        பெரிதும் பேணி நடப்பாய் 

சிவசுப்பிரமணியம் ரகுராம் கிழக்குப் பல்கலைக்கழக திருகோணமலை வளாகத்தில் தொடர்பாடல் கற்கையியல் முதுநிலை விரிவுரையாளராகப் பணிபுரிபவர். இவர் தொடர்பியல் கல்வியை தமது சிறப்புத் துறையாகத் தேர்வு செய்து ஆய்வுகளை மேற்கொள்பவர். இத்துறையில் முனைவர் பட்டமும் பெற்றவர். தொடர்பாடல் கற்கைகள் சமூகவியல், பண்பாட்டியல், கலைகள், உளவியல், மொழியியல், அரங்கியல், நாட்டார் வழக்காற்றியல், அரசியற் பொருளியல் முதலான பல்துறை அறிவுப் புலங்களுடன் ஊடாட்டம் கொண்டது. இந்த அறிகை மரபின் பன்முக ஆய்வு இணைப்பாக்கப் பின்புலத்தில் உயிர்ப்புடன் இயங்குபவர்.